觀眾們企哂起身
加上不斷hyper地un un un
再放大喉嚨一齊嗌歌
就好似係一個band show應有嘅氣氛
從前去過嘅band show
都係為左睇朋友或者鍾意嘅band
今日就去左一個大家都幾平靜
而且表演嗰d band我一d都唔熟識嘅band show

一隊family band
有個把聲好好聽嘅主音爸爸
有個個髮型好正嘅結他仔仔
有個打鼓好型嘅鼓手囡囡
仲有個唱和音幾好嘅bass叔叔
SWEET <3

三人jazz band
我只能說, 人不可以貌相

雖然腎上腺素係冇飆升得咁厲害
而且真係有釣魚位
但睇完感樣嘅band show
得到嘅野可能仲多!

早排把聲keep住heavy metal左幾日
為的是一場超讚嘅演唱會

SUPER HERO
SUPER GOO

三年前miss左佢人生中嘅第一次演唱會
雖然之後有睇番part 2
但始終都係有d不忿

小學四年級寫紀念冊
對於嗰陣啱啱開始學結他嘅我
「最崇拜的人」我寫左何韻詩
但其實嗰陣淨係知道有個歌星叫何韻詩
同埋佢彈結他好型, 完
連佢d歌都冇乜刻意聽過
可能嗰陣只係鍾意佢加埋枝結他個樣

之後有一次突然心血來潮叫老豆買左「艷光四射」隻碟
終於第一次正式聽呢位一直我「最崇拜的人」嘅歌
坦白講除左plug嗰d, 其他都唔太鍾意
後來知道, 原來呢隻碟係佢轉左公司出嘅第一隻碟, 可能係呢個原因掛
但就係感trigger左我開始搵佢d歌黎聽
發現其實好多歌都熟熟地, 好聽
發現佢做左我咁耐「最崇拜的人」都係值得

今次演唱會dress code同theme都有關紅色
全場被染成血紅, 好靚

SUPER HERO = 幫助別人的人
呢次演唱會大概係叫大家要努力做一位SUPER HERO

依然有我最愛嘅何韻詩+結他

呢次仲邀請左隊mar band黎撐場
多麼的希望有份參與

雖然唔係坐得近
但都感受到整個氣氛好好
每次睇親演唱會都對我好有衝擊
呢次到何韻詩幫我提醒自己要記住一直嘅夢想
喺適當嘅時候就要瘋狂去努力實踐

何韻詩成為左SUPER HERO

MY FRIEND, 過左幾日你好d嘛?
振作啊! 雖然我又唔識安慰你, 又冇咩意見俾到你
但只要你有野想講, 即管搵我啦
如果你想喊, 你身邊一定有仲有好多膊頭肯即刻借俾你
包括我

好想喺度分享一件無聊事

最近真係幾灰, 好多煩野發生
人亦變得愈黎愈暴躁
今日仲要超級頭痛
MAMACHACHA
同阿媽傾完一輪
係有好多意見俾我, 但好難實行
頹廢之際
itunes戲劇化地shuffle play左五月天笑忘歌同周杰倫稻香
帶來一點兒安慰

音樂的偉大

潮落之後一定有潮起

i know that!
but please be quick ok?!

我依家好悶好悶好悶好悶好悶
爸爸媽媽去左旅行
成間屋得番自己一個 (都有Coco陪下嘅)
坦白講我有為呢四個冇往管嘅晚上而興奮兼期待過
但今晚第一晚我已經頂唔順啦
唔係開電視就開收音機itunes
接受唔到間屋靜到感
溫書嗰陣熄晒d野都好唔慣
但講真的確自動變得自律左
因為冇人煮飯, 索性快快脆脆食d野填飽個肚
因為冇人做家務, 盡可能都唔製造垃圾同肯即刻執番好d野
因為冇人照顧Coco, 我終於肯負番呢個責任
因為冇人嘈支巴閉, 間屋靜得濟搞到我勁眼訓, 今晚應該會早訓d
但真係好擔心因為冇人叫醒我, 聽朝番唔到學
(爸爸媽媽真偉大)

好啦真係好眼訓, 訓覺!